ამბროლაურის სოფელ ცახში მოსახლეობა დახმარებას ითხოვს.

როგორც ცნობილი ხდება, დათვებმა მოსახლეობის ეზოებში შეაღწიეს.

“83 წლის კაცის ნაშრომი ყანა თითქმის მიწასთან გაასწორეს. მივმართავ ამბროლაურის მერიას თხოვნით: ეს უკვე ყოვლად აუტანელია,  ამდენი ნაშრომი წყალში მეყრება. ყველაფერს რომ თავი დავანებოთ, უკვე ბავშვებისთვისაც საშიშია. ამიტომ მიიღოთ შესაბამისი ზომები. დათვის მოკვლა და შეშინება ისჯება, მაგრამ რომ გაგვინადგურა ყველაფერი და აგვაწიოკა, ეგ არაფერია? ასე რომ გაგრძელდეს, სახლშიც შემოვლენ. ყოველ დღე ვცდილობ რამით გადავარჩინო ჩემი ნაშრომი. ღამით,  3 საათზე ვდგები და თითქოს ვაშინებ. როგორც კი შევბრუნდები სახლში,  ისევ ბრუნდება. გავიგეთ, რომ ცხოველების დაცვა მნიშვნელოვანია,  მაგრამ ადამიანებიც რომ შევეცოდოთ, კარგი იქნება. კიდევ ერთხელ ვითხოვ, მოგვაქციოს ვინმემ ყურადღება,”-ნაირა მეტონიძე.