"შიდასახელმწიფოებრივი მნიშვნელობის ქუთაისი(ჭომა)-ალპანა-მამისონის უღელტეხილის საავტომობილო გზის 47-ე კმ-ზე ჩამოსულია კლდოვანი მასა, რომელმაც ჩაკეტა გზის სავალი ნაწილი. ქვისცვენის გამო. აღნიშნულ მონაკვეთზე აკრძალულია ყველა სახის ავტოტრანსპორტის მოძრაობა. არასათანადო ხილვადობის გამო, გაწმენდითი სამუშაოები ხვალ დილით განახლდება,"-ინფორმაციას ამის შესახებ საავტომობილო გზების დეპარტამენტი ავრცელებს.
როგორც top-news.ge-ს განუცხადეს, შეზღუდვა ცაგერის სოფელ ტვიშის ტერიტორიას ეხება. ცნობილია ისიც, რომ გზა ერთხელ უკვე გაიწმინდა, თუმცა კლდოვანი მასა კვლავ ჩამოიშალა.
