ტყიბულის სპორტის სასახლეში საჭადრაკო ფესტივალი "ტყიბული - 2023" დაიწყო.

მონაწილეებსა და სტუმრებს ტყიბულის მუნიციპალიტეტის მერი, დავით ჩერქეზიშვილი მიესალმა. მერმა პირველ დაფაზე სიმბოლური სვლა გააკეთა და მოჭადრაკეებს წარმატება უსურვა.

ფესტივალი ტყიბულში ყოველწლიურად იმართება და წელს მასში 14 მუნიციპალიტეტის 120 წარმომადგენელი მონაწილეობს. 

ტურნირი 3 სექტემბერს გამარჯვებულთა დაჯილდოვებით დაიხურება.