ქუთაისის მოსწავლე-ახალგაზრდობის სასახლე  მწუხარებას გამოთქვამს ქართული ხალხური ცეკვის შემსწავლელი წრის პედაგოგის  მურმან ჭეიშვილის გარდაცვალების გამო. 

"ბატონი მურმანი განსაკუთრებული ხიბლითა და ჭეშმარიტი ქართველობით გამოირჩეოდა. იგი ღვაწლმოსილი  ქორეოგრაფი და თავისი საქმის უბადლო პროფესიონალი გახლდათ.

მოსწავლე - ახალგაზრდობის სასახლე  თანაგრძნობას  უცხადებს  გარდაცვლილის ოჯახს,  ახლობლებსა და მთელს ქორეოგრაფიულ საზოგადოებას. იგი ნამდვილად დააკლდება ჩვენს ქალაქს თავისი განუმეორებელი ხიბლითა და ესთეტიურობით,"-ნათქვამია განცხადებაში.