საჩხერეში წლის მთავარი საახალწლო ღონისძიება გაიმართება. 

თავისუფლების ქუჩაზე, მერიის მიმდებარედ  საბავშვო-გასართობი ღონისძიებები 14:00 საათიდან დაიწყება. 
ტერიტორიაზე ეწყობა საბავშვო სივრცეები და პატარების განწყობაზე იზრუნებენ ანიმატორები; თოვლის ბაბუა კი პატარებს საჩუქრებს გადასცემს. მოეწყობა საკარნავალო მსვლელობა და გასართობი წარმოდგენები.

ღონისძიება არ ჩაივლის საშობაო ბაზრობის გარეშე. ადგილზე გაიმართება ადგილობრივი მეწარმეების ხელნაკეთი ნივთების გამოფენა-გაყიდვა. 

16:00 საათზე დაიწყება წლის წარმატებული ადამიანების დაჯილდოების ცერემონიალი და გაიმართება გრანდიოზული კონცერტი ქართული ესტრადის ვარსკვლავების მონაწილეობით. თქვენს წინაშე წარსდგებიან: ანსამბლი ,,შვიდკაცა“, ჯგუფი ,,რეგიონი“, ,,კახაბერი და ხანუმები“, რეპერი ,,მასტერი“.