ქუთაისში, ახალგაზრდობის პარკში, ანა კალანდაძის 100 წლის იუბილესთან დაკავშირებით, პოეტის ბიუსტი გაიხსნა.
ანა კალანდაძის ბიუსტი ქუთაისის მერიის მხარდაჭერით შეიქმნა. ძეგლის ავტორი
მოქანდაკე გიორგი კიკვაძეა.
ღონისძიებას ქუთაისის მერის მოვალეობის შემსრულებელი დავით ერემეიშვილი, იმერეთში სახელმწიფო რწმუნებულის მოადგილე ლევან კიკნაველიძე, მაჟორიტარი დეპუტატი ზაზა ლომინაძე, ჩოხატაურის საკრებულოს თავმჯდომარე ირაკლი კუჭავა, ადგილობრივი ხელისუფლების და საზოგადოების წარმომადგენლები ესწრებოდნენ.
ქუთაისის მოზარდ- მაყურებელთა ახალგაზრდული თეატრის "მარჯანიშვილელების" დასმა წარმოადგინა ანა კალანდაძის ლექსებზე შექმნილი ლიტერატურული კომპოზიცია.
გამორჩეულმა ქართველმა პოეტმა ანა კალანდაძემ სკოლა ქუთაისში დაამთავრა და მისი პირველი ლექსებიც სწორედ ჩვენს ქალაქში დაიწერა.
ანა კალანდაძის ბიუსტის დადგმა იუნესკოს შემოქმედებითი ქსელის ქალაქში, მნიშვნელოვანი მოვლენაა ქუთაისის ლიტერატურულ ცხოვრებაში.
