ქუთაისის საკრებულოს წევრი გარდაიცვალა
ქუთაისის საკრებულოს დეპუტატი დარეჯან ფხაკაძე გარდაიცვალა.
როგორც ცნობილია, დეპუტატი მძიმე დაავადებას ებრძოდა.
დარეჯან ფხაკაძე ქუთაისის საკრებულოში "ნაციონალური მოძრაობის" ქვოტით შემოვიდა, თუმცა პარტიაში არსებული დაპირისპირების მიზეზით გასულ წელს პარტია დატოვა და საქმიანობა დამოუკიდებელი დეპუტატის სტატუსით გააგრძელა.
"მწუხარებას გამოვთქვამ ქუთაისის საკრებულოს წევრის, დარეჯან ფხაკაძის გარდაცვალების გამო. ვუსამძიმრებ ოჯახს და ახლობლებს,"-აცხადებს ქუთაისის საკრებულოს თავმჯდომარე ირაკლი შენგელია.
