ხარაგაულში, სოფელ კიცხში, ახალი, 50 ბავშვზე გათვლილი, ევროპული სტანდარტების შესაბამისი საბავშვო ბაღის მშენებლობა დასრულების ეტაპზეა.
ბაღში ამჯერად შიდა კოსმეტიკური სამუშაოები და გარე ინფრასტრუქტურის მოწესრიგება მიმდინარეობს.
პროექტს მუნიციპალური განვითარების ფონდი აფინანსებს და მისი ღირებულება 1 278 332 ლარია.
კიცხის საბავშვო ბაღი რიგით მე-16 ახალი საბავშვო ბაღია, რომელიც ხარაგაულში ბოლო წლებში აშენდა.
ბაღში მიმდინარე სამუშაო პროცესს, ხარაგაულის მერი, კობა ლურსმანაშვილი მერის მოადგილესთან, დავით დევდარიანთან ერთად გაეცნო.
