ხარაგაულის მუნიციპალიტეტის სოფელ ბორითთან მომხდარი ტრაგიკული შემთხვევიდან 34 წელი გავიდა.
1989 წლის 13 ოქტომბერს, ავტოსაგზაო შემთხვევის შედეგად, საქართველოს ეროვნული გმირი, ეროვნული მოძრაობის ლიდერი მერაბ კოსტავა დაიღუპა.
"მერაბ კოსტავას თავდადება სამშობლოს წინაშე დიდია. მან თავისი ცხოვრება საქართველოს დამოუკიდებლობის მოპოვებას შესწირა. ის იყო დიდი პატრიოტი, შეუვალი და უკომპრომისო მებრძოლი. ვისურვებდი, რომ ძალიან მალე, ჩვენი სამშობლო იყოს ერთიანი და ტერიტორიულად მთლიანი, ისეთი, როგორიც მერაბ კოსტვას სურდა,"-აღნიშნა ხარაგაულის მერმა.
