ცაგერი-ლენტეხის დამაკავშირებელ ცენტრალურ გზაზე მეწყერია.
"მოსახლეობის საყურადღებოდ!
წუხელ მოსული უხვი ნალექის გამო (წვიმა, სეტყვა) ლენტეხი-ცაგერი-ქუთაისის ცენტრალურ საავტომობილო გზაზე, კერძოდ (ცაგერი-ლენტეხის ტერიტორიაზე) რამდენიმე ადგილზე გამოიწვია მეწყრული პროცესი, რის გამოც ავტომობილების გადაადგილება რამდენიმე საათით ჩაკეტილია.
ადგილზე მყისიერად მოხდა ტექნიკის მობილიზება და მიმდინარეობს გაწმენდითი სამუშაოები.
სტიქიის ადგილზე რაჭა-ლეჩხუმ ქვემო სვანეთის სახელმწიფო რწმუნებულის მოადგილე ბერდია ჩანქსელიანი და მერის მოადგილე ზვიად ლობჟანიძე იმყოფებიან.
მოსახლეობას გთხოვთ, უახლოესი რამდენიმე საათის განმავლობაში თავი შეიკავოთ ამ მიმართულებით გადაადგილებისგან,"-აცხადებენ რაჭა-ლეჩხუმისა და ქვემო სვანეთის გუბერნატორის ადმინისტრაციაში.
