"ხარაგაულობა 2023"-ზე გიგანტური მჭადის გამოცხობა იგეგმება
ხარაგაულში, ახლადრეაბილიტირებულ ცენტრალურ პარკში სახალხო დღესასწაული "ხარაგაულობა -2023" აღინიშნება. ამ დროისთვის ტერიტორიაზე ღონისძიების სამზადისი მიმდინარეობს.
პროგრამა მუნიციპალიტეტის სოფლების საშემოდგომო ნობათის დეგუსტაციას, ხარაგაულისათვის დამახასიათებელი რეწვის ნიმუშებისა და სუვენირების გამოფენა-გაყიდვას, თეატრალურ წარმოდგენებს, სპორტულ ღონისძიებებს და ადგილობრივი თუ მოწვეული შემსრულებლების მონაწილეობით კონცერტების გამართვას ითვალისწინებს.
"ხარაგაულობა 2023"-ის ფარგლებში, მოხდება საპატიო ხარაგაულელების დაჯილდოვება. ასევე, დაგეგმილია გიგანტური მჭადის გამოცხობა.
