ძლიერი წვიმის შედეგად ბაღდათის მუნიციპალიტეტის სოფელ წითელხევში ჭალის უბანში საავტომობილო გზა დაზიანდა. აღნიშნული გზა მეწყრულ ტერიტორიას ეკუთვნის და მას გამაგრებითი სამუშაოები ჩაუტარდა.
28 ოქტომბრის უხვი ნალექის შედეგად მეწყრულმა პროცესმა გზა მთლიანად წაიღო, სოფელს შემოვლითი გზა აქვს და ადგილობრივები შეუფერხებლად გადაადგილდებიან.
“ სოფელ წითელხევში, ჭალის უბანში მეწყრულ ზონაში 8 ოჯახი ცხოვრობს, მოსახლეობის უსაფრთხოებიდან გამომდინარე, აღნიშნულ ტერიტორიას გეოლოგები მყისიერად შეისწავლიან, მანამდე კი ყველა ადგილობრივის დროებით საცხოვრებელს, მათივე უსაფრთხოებიდან გამომდინარე მუნიციპალიტეტი უზრუნველყოფს,”-აცხადებენ ბაღდათის მერიაში.
