ოჯახის სიწმინდის დღეს ქუთაისში მსვლელობით აღნიშნავენ
17 მაისს, ოჯახის სიწმინდის დღესთან დაკავშირებით, ქუთაისში სადღესასწაულო მსვლელობა გაიმართება.
"უწმინდესისა და უნეტარესის სრულიად საქართველოს კათოლიკოს-პატრიარქის ილია II -ის ლოცვა-კურთხევით ქალაქ ქუთაისში გაიმართება სადღესასწაულო მსვლელობა.
12 საათზე წმ. კეთილმსახური მეფის დავით აღმაშენებლის ტაძართან (ქუთაისის ცენტრალური მოედანი) შეკრებილი სამღვდელოება და მრევლი გაემართება წმ. მეფე დავით აღმაშენებლის ძეგლის მიმართულებით, სადაც შესრულდება სამშვიდობო პარაკლისი,"-აცხადებენ ქუთაის-გაენათის ეპარქიაში.
