ქართველი ძალოსანი მარიამ მაისურაძე ევროპის ჩემპიონია! ძალოსანმა ატაცში ოქროს მედალი მოიპოვა!

ბუქარესტში მიმდინარე (U20) ძალოსანთა ევროპის ჩემპიონატის პირველ დღეს გოგონათა შორის მარიამ მაისურაძე (49 კგ.) ასპარეზობს.

ქართველმა ძალოსანმა მთავარი მწვრთნელის, თემურ ჯანჯღავას ხელმძღვანელობით, ატაცში 68 / 72 / 74 კგ. დაძლია და ოქროს მედლის მფლობელი გახდა!

გარდა ამისა, მარიამ მაისურაძემ ატაცში საქართველოს რეკორდი, რომელიც მასვე ეკუთვნოდა  2 კილოგრამით გააუმჯობესა.