საქართველოს სამოქალაქო ავიაციის სააგენტომ სანქცირებულ რუსულ ავიაკომპანიაზე ფრენის უფლება არ გასცა. აღნიშნულთან დაკავშირებით 
სააგენტო განცხადებას ავრცელებს.

"საფეხბურთო კლუბ "აქტობეს" საქართველოში ჩამოფრენასთან დაკავშირებით, განვმარტავთ, რომ თავდაპირველი განაცხადის მიხედვით, ჩარტერული ფრენა უნდა განეხორციელებინა რუსულ ავიაკომპანიას (UVT AERO), რომელიც არის სანქცირებული და იმყოფება ევროკავშირის შავ სიაში. ამასთან საჰაერო ხომალდზე, რომლითაც დაგეგმილი იყო ფრენა დაწესებულია მწარმოებლის შეზღუდვა. შესაბამისად საქართველოს სამოქალაქო ავიაციის სააგენტომ აღნიშნულ ავიაკომპანიაზე ფრენის ნებართვა არ გასცა. 

ახალი განაცხადით, რეისს შეასრულებს ყაზახური ავიაკომპანია “SCAT Airlines”-ი, რომელზეც უმოკლეს ვადებში, მომართვიდან ორ საათში გაიცა ნებართვა სააგენტოს მიერ. გაცნობებთ, რომ ჩარტერული ფრენა შესრულდება ხვალ. რეისი ქუთაისის საერთაშორისო აეროპორტში 08:45 საათზე ჩამოფრინდება,"-ნათქვამია განცხადებაში.

ცნობისთვის, ყაზახური კლუბი ქუთაისის "ტორპედო"-ს დაუპირისპირდება.