ვანი საქართველოს მთავრობის ადმინისტრაციის ორგანიზებით მოწყობილ საახალწლო ღონისძიებას მასპინძლობს.
ცენტრალურ მოედანზე გაიმართა
სანტას, ელფების და კოსტიუმირებული გმირების მსვლელობა. ადგილზე მოწყობილია საშობაო ბაზრობა, სადაც სტუმრებს შეუძლიათ ადგილობრივი ნაწარმისა და ხელნაკეთი ნივთების დათვალიერება და შეძენა.
ადგილზე შეძლებთ გემრიელი კერძების და ცხელი სასმელის დაგემოვნებასაც.
მოედანზე ასევე მოწყობილია საბავშვო სივრცე, სადაც ბავშვები სწავლობენ საახალწლო ნაძვის ხეების, გირჩების, მისალოცი ბარათების დამზადებას და ორცხობილების მოხატვას.
18:00 საათიდან კონცერტი დაიწყება, რომელშიც მონაწილეობას "ლეონი“, ბენდი "არგო", ირინა ბაირამაშვილი, მირზა მოდებაძე, თიკა ჯამბურია და ზუკა ხუციშვილი ბენდთან ერთად მიიღებენ.
