წყალტუბოს მუნიციპალიტეტის სოფელ გვიშტიბში ქართული ჭიდაობის ტურნირი გაიმართა.

ტურნირი საქართველოს ტერიტორიული მთლიანობისთვის დაღუპულ გმირთა ხსოვნას მიეძღვნა.

წყალტუბოს, ზესტაფონის, ქუთაისისა და ლენტეხის მუნიციპალიტეტის სპორტსმენები ერთმანეთს სხვადასხვა წონით კატეგორიებში დაუპირისპირდნენ.

გამარჯვებული მოჭიდავეები მედლებით,  სიგელებითა და სიმბოლური საჩუქრებით  დაჯილდოვდნენ.