ქუთაისის მერის მოადგილე შალვა მშვილდაძე ქართულ- გერმანული ასოციაციის მიერ ორგანიზებულ საქველმოქმედო ღონისძიებას დაესწრო.

აქციის ფარგლებში, ქუთაისში მცხოვრები სოციალურად დაუცველი ოჯახების  მოსწავლეებს, ახალ სასწავლო წელთან დაკავშირებით, სასკოლო ნივთები და ჩანთები გადასცეს საჩუქრად.

ქართულ-გერმანული ასოციაცია ქუთაისში მსგავს საქველმოქმედო ღონისძიებებს, გერმანიაში მცხოვრები რამდენიმე ოჯახის დაფინანსებით, უკვე წლებია ატარებს. ამჯერად სასკოლო საჩუქარი ქუთაისში მცხოვრებმა  სხვადასხვა ასაკის 100-მა მოსწავლემ მიიღო.

ღონისძიებას ქუთაისის ტექნოლოგიურმა ჰაბმა უმასპინძლა.