საჩხერის მუნიციპალიტეტის მერიამ შობადობის წახალისების მიზნით, ახლადდაბადებული ბავშვების მშობლებისთვის ფულადი ჯილდოები დააწესა.

2026 წლიდან მუნიციპალიტეტის ბიუჯეტიდან, მოსახლეობის სოციალური დახმარების სახეების დაფინანსების გაცემისა და მიღების წესში ცვლილება შევიდა, რომელიც გულისხმობს:

• საჩხერის მუნიციპალიტეტის ტერიტორიაზე რეგისტრირებულ მოქალაქეს, რომელსაც შეეძინება პირველი ან მეორე შვილი, მიეცემა დახმარება ერთჯერადად 500 ლარის ოდენობით;

• მესამე ან მეოთხე შვილის შეძენის შემთხვევაში ერთჯერადი დახმარება 1000 ლარს შეადგენს;

• ხოლო მეხუთე და მეტი შვილის შეძენის შემთხვევაში - 2000 ლარის ოდენობით.

აღსანიშნავია, რომ ტყუპების შეძენის შემთხვევაში, მშობლები დახმარებას თითოეულს ბავშვზე მიიღებენ.

დაინტერესებულმა პირებმა მუნიციპალიტეტის მერიაში უნდა წარადგინონ: 

🟢განცხადება

🟢პირადობის მოწმობის ასლი

🟢ბავშვების დაბადების მოწმობის ასლები

🟢თანხის მიმღები პირის საბანკო ანგარიში.