2 მაისს  ქუთაისში  „ქუთაისქალაქობა 2025“ აღინიშნება. წელს "ქუთაისქალაქობის" მთავარი ღონისძიებები თეთრი ხიდის მიმდებარედ, მეფეთუბანში გაიმართება.

„ვერიკოს სკვერში“ მოეწყობა:   იმერეთის რეგიონში შემავალი მუნიციპალიტეტების ადგილობრივი მეწარმეების ხელნაკეთი ნივთების  და ყვავილების გამოფენა-გაყიდვა; ფოტოზონა, ქუთაისის სალონური ცხოვრების ამსახველი  სცენები, სპორტული  და  საბავშვო- გასართობი აქტივობები, „დ. მხეიძის სახ. ფოტო-კინო მატიანეს მუზეუმის“ გამოფენა, მოსწავლე-ახალგაზრდობის სასახლის მოსწავლეთა ხელნაკეთი ნივთების გამოფენა, საჭადრაკო ტურნირი.

მდინარე რიონზე ჯომარდობის მოყვარულთა საჩვენებელი დაშვება მოხდება.

ქუთაისის ნ.ბერძენიშვილის სახელობის სახელმწიფო ისტორიული მუზეუმში წარმოდგენილი იქნება გამოფენა „ ქუთაისი თვითმმართველი ქალაქი 150“.
 დღის განმავლობაში გაიმართება ქუთაისის იოსებ კეჭაყმაძის სახელობის კამერული გუნდის, ა(ა)იპ ქუთაისის კულტურულ, სახელოვნებო, საგანმანათლებლო დაწესებულებათა გაერთიანების  სასულე ორკესტრის,  მოსწავლეთა და პედაგოგთა  კონცერტი .
საპატიო ქუთაისელების დაჯილდოების ცერემონიას ლადო მესხიშვილის სახელობის პროფესიული სახელმწიფო დრამატული თეატრი უმასპინძლებს. აქვე გაიმართება ქუთაისის სიმღერისა და ცეკვის სახელმწიფო აკადემიური ანსამბლის კონცერტი.

 „ქუთაისქალაქობა2025“-ს აღნიშვნა გალა-კონცერტით დასრულდება, სადაც თბილისის ბიგ-ბენდი დაუკრავს.