იტვირთება

მამაკაცს, რომელმაც მამის კუთვნილი „როტვეილერის“ ჯიშის ძაღლი საცხოვრებელი კორპუსის მე-8 სართულის აივნიდან გადააგდო, ბრალი წარუდგინეს

მამაკაცს, რომელმაც მამის კუთვნილი „როტვეილერის“ ჯიშის ძაღლი საცხოვრებელი კორპუსის მე-8 სართულის აივნიდან გადააგდო, ბრალი წარუდგინეს

პროკურატურამ ცხოველისადმი სასტიკი მოპყრობის და ძალადობის ფაქტზე, რამაც მისი დაღუპვა გამოიწვია, ერთ პირს ბრალდება წარუდგინა.

"შინაგან საქმეთა სამინისტროს მიერ ჩატარებული გამოძიებით დადგინდა, რომ 29 ნოემბერს, თბილისში, ბრალდებულმა მამის კუთვნილი „როტვეილერის“  ჯიშის ძაღლზე იძალადა, ხოლო შემდეგ  საცხოვრებელი კორპუსის მე-8 სართულის აივნიდან გადააგდო.  ბრალდებულის ქმედების შედეგად ძაღლი გარდაიცვალა.

სამართალდამცველებმა ბრალდებული 30 ნოემბერს დააკავეს. მას ბრალდება საქართველოს სისხლის სამართლის კოდექსის 259-ე მუხლის მე-3 ნაწილით  (ცხოველისადმი სასტიკი მოპყრობა და სხვაგვარი ძალადობა, რამაც მისი დაღუპვა გამოიწვია) წარედგინა, რაც სასჯელის სახედ და ზომად ერთიდან 4 წლამდე თავისუფლების აღკვეთას ითვალისწინებს. 

პროკურატურა ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით, თბილისის საქალაქო სასამართლოს კანონით დადგენილ ვადაში მიმართავს,"-აცხადებენ პროკურატურაში. 


ტეგები:

Facebook - კომენტარები