ქუთაისის მერის მოვალეობის შემსრულებელმა დავით ერემეიშვილმა და პარლამენტარმა ზაზა ლომინაძემ საიუბილეო თარიღი მიულოცეს 90 წლის ვეტერან ფეხბურთელს,  სპორტის ოსტატს, ქუთაისის "ტორპედოს" და ბავშვთა გუნდის მწვრთნელს, ნოდარ სარჯველაძეს.  შეხვედრას ესწრებოდნენ ვეტერან სპორტსმენთა კავშირის წევრები.

შეხვედრაზე ისაუბრეს ვეტერანი ფეხბურთელის დამსახურებებსა და იმ  მნიშვნელოვან წვლილზე, რომელიც მან შეიტანა როგორც "ტორპედოს", ასევე ზოგადად, ჩვენს  ქალაქში  ფეხბურთის განვითარების საქმეში. 

ადგილობრივი ხელისუფლების წარმომადგენლებმა მადლობა გადაუხადეს ნოდარ სარჯველაძეს და სიმბოლური საჩუქარი გადასცეს.