ძლიერმა ქარმა ტყიბულში კორპუსები სახურავის გარეშე დატოვა
ტყიბულის მუნიციპალიტეტში განვითარებული ძლიერი ქარის შედეგად საცხოვრებელი სახლები და მრავალბინიანი კორპუსების სახურავები დაზიანდა.
"მუნიციპალიტეტის მერია საგანგებო რეჟიმში მუშაობს, სტიქიის შედეგების შემსწავლელი კომისია ზარალს ითვლის. მიმდინარეობს ლოკალური სამუშაოები დროებითი ღონისძიებების გასატარებლად და უახლოეს დღეებში ყველა დაზიანებული კორპუსის სახურავებზე დაიწყება სარეაბილიტაციო სამუშაოები,"-აცხადებენ ტყიბულის მერიაში.
ძლიერი ქარი ტყიბულში ამ დრომდე გრძელდება.
