ზესტაფონი წლის მთავარი საახალწლო ღონისძიების მასპინძელია, რომელიც მთელი ქვეყნის მასშტაბით საქართველოს მთავრობის ორგანიზებით იმართება.
საახალწლო ღონისძიებები 15: 00 სთ - დან დაიწყება. ცენტრალურ მოედანზე მოსულ სტუმრებს მთელი დღის განმავლობაში დატვირთული საახალწლო პროგრამა ელოდებათ.
მოეწყობა ორკესტრის და კოსტიუმირებული გმირების მსვლელობა, საშობაო ბაზრობა, ადგილობრივი ნაწარმის, ხელნაკეთი ნივთების გამოფენა-გაყიდვა, წარმოდგენილი იქნება საბავშვო სივრცე, ზღაპრის გმირების მსვლელობა. ბავშვების შეხვედრა თოვლის ბაბუასთან და საჩუქრების დარიგება.
17: 00 საათიდან დაიწყება გალა კონცერტი, რომელშიც მონაწილეობას ქართული ესტრადის ცნობილი ვარსკვლავები მიიღებენ.
18: 30 სთ -ზე საზეიმოდ აინთება ქალაქის მთავარი ნაძვის ხე. ღონისძიებები გრანდიოზული ფოიერვერკით დასრულდება.
