ქუთაისის საერთაშორისო უნივერსიტეტის (KIU) ტერიტორიაზე ექსპლუატაციაში შევიდა კიდევ ერთი ახალი, ევროპული სტანდარტების შესაბამისი აკადემიური კორპუსი.
სასწავლებლის ცნობით, ექვსსართულიან, 27.000 კვ.მ. ფართობის მქონე უახლესი ტექნოლოგიებით აღჭურვილ საგანმანათლებლო კორპუსში განთავსებულია საერთაშორისო სტანდარტების სალექციო სივრცეები, სასწავლო აუდიტორიები, ლაბორატორიები, ადმინისტრაციული ოფისები, სამკითხველო დარბაზები.
