1 აგვისტოს ლენტეხის მუნიციპალიტეტის ჩიხარეშის თემში ტრადიციული სახალხო დღესასწაული "ლაშხეთობა" აღინიშნება.
დილიდან სოფელ ჩიხარეშის მაცხოვრის სახელობის ტაძარში სადღესასწაულო წირვა აღევლინება. წირვის შემდეგ კი, ჩატარდება სპორტული ღონისძიებები.
შეჯიბრება გაიმართება სპორტის ორ სახეობაში-დოღი (სოფელი შკედი) და ფრენბურთი (სოფელი ჩიხარეში). მონაწილეთა ასაკი შეუზღუდავია.
გამარჯვებულები დაჯილდოვდებიან ფულადი პრიზებითა და თასებით.
აღნიშნული ღონისძიება ლენტეხის მუნიციპალიტეტის მერიისა და ლაშხეთის მოსახლეობის მხარდაჭერითა და ჩართულობით ჩატარდება.
"ლაშხეთობის’’ დღესასწაულზე ადგილობრივებთან ერთად მონაწილეობის მიღება ყველა მსურველს შეუძლია.
