"საქართველოს აუღებელი კედელი"-გიორგი მამარდაშვილის პორტრეტი ხონის მეორე საჯარო სკოლის სპორტ დარბაზის კედელს ამშვენებს.
"მადლობა მინდა ვუთხრა ნიჭიერ მხატვრებს-ნინოსა და ოთოს აღებული პასუხისმგებლობისთვის, მოხალისეობრივად გაწეული შრომისთვის და სწორი ღირებულებებისთვის. მე მუდმივად მზად ვარ გვერდით დავუდგე ახალგაზრდებს მსგავსი იდეების განხორციელებაში.
აქვე, მადლობა მამარდასა და მის ოჯახს, ბედნიერი წუთების ჩუქებისათვის. მთავარია ხონმა კიდევ ბევრი მსოფლიო დონის წარმატებული ახალგაზრდა აღზარდოს, სთრითარტის ნამუშევრები ჩვენზე იყოს,"-ამბობს ხონის მუნიციპალიტეტის მერი ლადო ჯურხაძე.
ნამუშევარი, ახალგაზრდა მხატვრებმა ოთარ ბულეიშვილმა და ნინო ფხალაძემ ხონის სამხატვრო სკოლის დირექტორთან გიორგი ვაშაკიძესთან კოლაბორაციით შექმნეს. პროექტი მუნიციპალიტეტის მერის ლადო ჯურხაძის მხარდაჭერით განხორციელდა.
