14 და 15 ივლისს ქალაქ ზესტაფონში განსაკუთრებული დღეები გელით.

სოფელ ცხრაწყაროში, ვარინკა მაჭავარიანი-წერეთლის სახელობის თეატრონი არტ-გენის ფესტივალს და ქართულ - ბერძნულ კონცერტს უმასპინძლებს.

 14 ივლისს, არტ-გენის ფარგლებში, მოეწყობა ქართული ღვინისა და კულინარიის კუთხეები, მრავალფეროვანი დასასვენებელი სივრცეები, გამოფენა - გაყიდვა, ადგილობრივი ფოლკლორული ანსამბლების კონცერტი. დასკვნით კონცერტს ბენდი ჩვენებურები, GAGA FRANI და REGGAON გამართავენ.

15 ივლისს, 18:30 სთ-ზე კი დაიწყება საბერძნეთში დაბადებულ - გაზრდილი ბავშვებისგან დაკომპლექტებული ანსამბლის კონცერტი. საკონცერტო რეპერტუარში წარმოდგენილი იქნება, როგორც ბერძნული ხალხური ცეკვები, ასევე ემიგრანტი ბავშვების მიღწევები ქართულ ფოლკლორში.

დასწრება ორივე ღონისძიებაზე თავისუფალია.