ქუთაისში, აგვისტოს ომში დაღუპულთა ხსოვნისადმი მიძღვნილი ღონისძიებები 8 აგვისტოს  ბაგრატის ტაძარში გაიმართება. 

ქუთაისის მერიის ინფორმაციით, ადგილი აღმაშენებლის გამზირზე მდებარე მემორიალზე მიმდინარე სარეაბილიტაციო სამუშაოების გამო შეიცვალა.

სასულიერო პირები დაღუპული გმირების სულის მოსახსენიებელ პანაშვიდს გადაიხდიან,  ტაძრის ეზოში კი, აგვისტოს ომის თემაზე ფოტოგამოფენა მოეწყობა.