ქუთაისის საერთაშორისო უნივერსიტეტში 2024-2025 აკადემიური წლის დაწყებისა და პირველკურსელთა მიღების აღსანიშნავად საზეიმო წვეულება/KIU Students Welcome Party 2024 გაიმართა.

სტუდენტებს მისასალმებელი სიტყვით მიმართეს KIU-ს რექტორმა, პროფესორმა გიორგი ხუბუამ და კანცლერმა თეა იმედაძემ.

ღონისძიების ფარგლებში KIU-ს ფოტოკონკურსის 2024 წლის გამარჯვებულთა დაჯილდოების ცერემონია ჩატარდა. წლევანდელი ფოტოკონკურსის გამარჯვებულები გახდნენ:

l ადგილი - მარიამ კოპალეიშვილი;
ll ადგილი - ლიზი ქავზინაძე;
lll ადგილი - ნუცა გიორგიძე.

გამარჯვებულებს პრიზები, კონკურსის ყველა მონაწილეს კი, შესაბამისი სერტიფიკატი გადაეცათ.

წვეულებაზე იმღერეს და დაუკრეს ზუკა ხუციშვილმა და ბენდმა, KIU-ს ბენდმა “Yoga Pilates”, DJ David Siva-მ, DJ ზუკა მგალობლიშვილმა.

KIU Students Welcome Party 2024-ის ორგანიზების პროცესში ჩართულნი იყვნენ KIU-ს სტუდენტ-ელჩები. 

KIU-ს აფინანსებს საერთაშორისო-საქველმოქმედო ფონდი “ქართუ”.