წყალტუბოში მელიტონ ბალანჩივაძის ბიუსტი დაიდგა
წყალტუბოში, ცენტრალური პარკის ტერიტორიაზე ქართველი კომპოზიტორის მელიტონ ბალანჩივაძის მემორიალური ბიუსტი საზეიმოდ გაიხსნა.
ღონისძიებას ადგილობრივი თვითმმართველობის წარმომადგენლებთან ერთად, ადგილობრივი მოსახლეობა და მელიტონ ბალანჩივაძის მშობლიური სოფლის, ბანოჯის მკვიდრები ესწრებოდნენ.
ქართველი კომპოზიტორი და საზოგადო მოღვაწე, ქართული საოპერო მუსიკის ფუძემდებელი, საქართველოს სახალხო არტისტი მელიტონ ბალანჩივაძე დაიბადა 1863 წლის 5 იანვარს, სოფელ ბანოჯაში. მან ქართული მუსიკალური კულტურის განვითარებაში მნიშვნელოვანი წვლილი შეიტანა.
