იმერეთის რეგიონში დიდთოვლობის წმენდის სამუშაოები აქტიურად მიმდინარეობს. 24 საათიან რეჟიმში იწმინდება გზები. ამ წუთის მდგომარეობით ჩაკეტილია მხოლოდ 6 სოფელი, გაწმენდითი სამუშაოები ამ მიმართულებითაც აქტიურია. 

იმერეთის სამხარეო ადმინისტრაციის ინფორმაციით, ჩაკეტილად ითვლება შემდეგი სოფლები:

სამტრედია - გამოჩინებული, თხილაგანი

ხარაგაული - ჭარტალი, გუდათუბანი

ბაღდათი- საკრაულა

ტყიბული - მუხურა.

“მუნიციპალიტეტებში ორი დღეა მოსახლეობას საჭიროებისამებრ მიეწოდება პროდუქტი და პირველადი დახმარების ნივთები. იმერეთმა 40 ტონაზე მეტი პროდუქტი მიიღო, რომელიც 6 მუნიციპალიტეტში გადანაწილდა,”-აცხადებენ იმერეთის სამხარეო ადმინისტრაციაში.