კურორტ საირმის დამაკავშირებელი გზის რეაბილიტაცია დაიწყო.

როგორც სამუშაოების მწარმოებელ კომპანია "საქმილსადემშენში" აცხადებენ, მშენებლობის პროცესში შეფერხება იქნება საავტომობილო გზაზე და გადაადგილება შეთანხმებული განრიგით მოხდება.

"ავტოტრანსპორტის მოძრაობა განხორციელდება გაუჩერებლად 
19:30 დან – 08:30 მდე  
13:00 დან – 14:30 მდე

 შიდასახელმწიფოებრივი მნიშვნელობის (შ-14) ქუთაისი (საღორია)-ბაღდათი-აბასთუმანი-ბენარას საავტომობილო გზის კმ32+000-კმ47+800 მონაკვეთის რეაბილიტაციის ფარგლებში, მოეწყობა ახალი სახიდე გადასასვლელები, ხელოვნური ნაგებობები, ბორდიურები, მოხდება გზის გაფართოება და სრულად რეაბილიტირდება ასფალტ-ბეტონის საფარი. შესაბამისად ამ მონაკვეთის რეაბილიტაცია მნიშვნელოვნად გაუმარტივებს გადაადგილებას როგორც ადგილობრივ მოსახლეობას, ისე რეგიონის ვიზიტორებსა და ტურისტებს,"-აცხადებენ კომპანიაში.