წყალტუბოს მუნიციპალიტეტის სოფელ ყუმისთავში წმინდა ნინოს სახელობის ეკლესია ქუთათელ-გაენათელმა მიტროპოლიტმა მეუფე იოანემ აკურთხა.
სოფელ ყუმისთავში უძველესი ეკლესია ახლახანს ადგილობრივთა ინიციატივით აღადგინეს.
წმინდა ნინოს სახელობის ეკლესია ერთნავიან ბაზილიკას წარმოადგენს. გადმოცემის მიხედვით, სოფელ ყუმისთავში ეკლესია მე-6-7 საუკუნეებიდან არსებობდა.
დღეიდან წმინდა ნინოს სახელობის ეკლესიაში წირვა-ლოცვა აღევლინება.
