“არის სავალალო მდგომარეობა, ყველა მიცვალებული არის გადასასვენებელი,”-ბაღდათში მეწყრული ზონა გააქტიურდა
ბაღდათის მუნიციპალიტეტში მეწყრული პროცესის გააქტიურების გამო სასაფლაო დაიხურა.
“ზედა ბაღდათის ტერიტორიაზე, წისქვილის ასახვევში რომ სასაფლაოა,
არის სავალალო მდგომარეობა. მიწამ დაიწყო წამოსვლა. დღეს დილით, გეოლოგების დაკვირვებით, სასაფლაო დაიკეტა.
რაც შეეხება მიცვალებულებს, არის ყველა გადასასვენებელი. გარკვეულმა ნაწილმა არც იცის, რაც ხდება იქ. რაც შეეხება გადასვენების ხარჯებს, არის ჭირისუფლის კისერზე.
დაუდგეთ ერთმანეთს გვერდით, რომ სახელმწიფომ მოგვეხმაროს. ერთი მიცვალებული როცა არის, კიდევ შეძლებ ადამიანი მის ამოსვენება-ჩასვენებას, მაგრამ 4-5 ვისაც ჰყავს, იმან რა უნდა ქნას,”-აცხადებენ ადგილობრივები.
