ხონის მუნიციპალიტეტის მერიაში სამუშაო შეხვედრა გაიმართა.
მუნიციპალიტეტის მერმა ლადო ჯურხაძემ 2024 წლის პროექტები, პროგრამები და აქტივობები სამსახურების ხელმძღვანელებთან ერთად განიხილა.
სამუშაო თათბირზე სამსახურებმა მიიღეს კონკრეტული დავალებები. ლადო ჯურხაძემ თითოეულ მათგანს ეფექტური და კოორდინირებული მუშაობისკენ მოუწოდა.
"წარმატებული იყო 2023 წელი და ეს შედეგები უნდა იყოს სტიმული, რომ გაცილებით ეფექტურად ვიმუშაოთ. ბევრი გამოწვევა გვაქვს მიმდინარე წელს და თქვენზეა დამოკიდებული, როგორ გავართმევთ თავს. მაქსიმალურად ორიენტირებულები იყავით მოქალაქეებზე და მათ საჭიროებებზე,"-განაცხადა ლადო ჯურხაძემ.
