8 და 9 ივლისს, ქუთაისში, ხელნაკეთი ნივთების, რეწვის ნიმუშებისა და იმერული ნაწარმის გამოფენა-გაყიდვა გაიმართება.
"DMO იმერეთის ერთ-ერთი პრიორიტეტს შემოქმედებითი ტურიზმის ხელშეწყობა წარმოადგენს, ამიტომ, კულტურული და ტურისტული აქტივობების დროს მისი ინიციატივით ქალაქში სისტემატურად ეწყობა ხელნაკეთი ნივთების გამოფენა-ბაზრობები.
ხელნაკეთისა და რეწვის ოსტატებთან მჭიდრო თანამშრომლობის შედეგად გაჩნდა იდეა, ქალაქში ყოველ შაბათ-კვირას ჩატარდეს ხელნაკეთი ნივთების, რეწვის ნიმუშებისა და ზოგადად იმერული ნაწარმის გამოფენა გაყიდვა.
ხვალ და ზეგ, 12:00 საათიდან 21:00 მდე ამ პროექტის სასტარტო დღეებია, რომელიც დაორგანიზება ქუთაისის მერის მხარდაჭერით გახდა შესაძლებელი და რომლის რეზონანსსა და უკურეაქციაზე იქნება დამოკიდებული თუ როგორ დაიგეგმება მომავალი გამოფენა-გაყიდვები.
აღნიშნული ინიციატივა მნიშვნელოვანი ნაბიჯია არა მხოლოდ ტურიზმის ხელშეწყობის, არამედ ჩვენი ოსტატების თანადგომის თვალსაზრისით,"-აცხადებენ DMO იმერეთში.
