6 მაისს საქართველოში  წმინდა გიორგის  ხსენების დღე აღინიშნება.
 
მართლმადიდებლური დღესასწაული  განსაკუთრებული მასშტაბურობით თერჯოლის მუნიციპალიტეტის სოფელ გოგნში აღინიშნება, სადაც წმინდა გიორგის უძველესი სალოცავი არსებობს. გოგნის წმინდა  გიორგის სახელობის ეკლესია VII-VIII საუკუნეების ძეგლს წარმოადგენს. გადმოცემის თანახმად, ეკლესიას კარუგდებელსაც  უწოდებენ, რადგან ტაძარს კარი არ უჩერდებოდა.

ამ დღეს გოგნის კარუგდებელს ქვეყნის სხვადასხვა რეგიონიდან ჩამოსული ათასობით მომლოცველი სტუმრობს. 

გოგნის უძველესი სალოცავი ძალიან პატარაა მოცულობით, ამიტომ პატრიარქის ლოცვა-კურთხევით მიმდებარე ტერიტორიაზე ახალი ტაძარი შენდება, რომლის სიმაღლეც 52 მეტრია.

გიორგობას  ქართველი ხალხი წელიწადში ორჯერ აღნიშნავს. 6 მაისი წმინდანის  დაბადების დღეა, 23 ნოემბერს კი მისი ბორბალზე წამების დღე აღინიშნება.