კულტურის, სპორტისა და ახალგაზრდობის სამინისტროს სსიპ საქართველოს კულტურული მემკვიდრეობის დაცვის ეროვნულმა სააგენტომ ქუთაის-გაენათის ეპარქიასთან თანამშრომლობით, ქუთაისის შუა საუკუნეების ნაქალაქარის (ბაგრატის ტაძრის მიმდებარედ) გაწმენდა დაიწყო.  
 
"ამჟამად წარმატებით მიმდინარეობს ქუთაისის ისტორიული ნაქალაქარის ციტადელის დასავლეთი ნაწილის გალავნის კედლების, კოშკების, წმ. გიორგის ეკლესიის, 1980-იან წლებში გათხრებით გამოვლენილი IV-VIII, XI-XV და XVI-XVII საუკუნეების არქიტექტურული ნაშთებისა და ეზოს გაწმენდა.
 
ნაქალაქარის გაწმენდითი სამუშაოები კვლავ გაგრძელდება,"-აცხადებენ სააგენტოში.