ქუთაისის მერის პირველმა მოადგილემ გიორგი ცხაკაიამ და მერის მოადგილემ დავით ნიშნიანიძემ "ქართული დერბი 2026"-ის გამარჯვებულები დააჯილდოვეს.

საცხენოსნო ტურნირი  "ცხენოსანთა კლუბ ART"-ის ორგანიზებით ქუთაისში გაიმართა და  გააერთიანა  დოღი, საცხენოსნო სპორტი და ტრადიციული თამაშები.

მთავარი რბოლების გარდა, მაყურებელმა იხილა  ქართული საცხენოსნო თამაშები - ისინდი და ცხენბურთი.

ღონისძიება ქუთაისის მუნიციპალიტეტის მერიისა და საქართველოს ხალხური ცხენოსნობის ეროვნული ფედერაციის მხარდაჭერით ჩატარდა.