ამბროლაურში "ქართული ოცნების" მხარდამჭერი კონცერტი აღარ გაიმართება
ამბროლაურში დაგეგმილი "ქართული ოცნების" მხარდამჭერი კონცერტი აღარ გაიმართება. კონცერტი დღეს, 20:00 საათზე იყო დაგეგმილი.
"ღრმა მწუხარებას გამოვთქვამთ ამბროლაურში მცხოვრები ახალგაზრდა გოგონას, ლილე ქემოკლიძის ტრაგიკულად გარდაცვალების გამო.
ამ უმძიმეს დროს, ვიზიარებთ ოჯახისა და ახლობლების მწუხარებას და ვუსურვებთ მათ სიმტკიცესა და გამძლეობას.
მომხდარი ტრაგედიის გამო, ამბროლაურში დაგეგმილი "ქართული ოცნების” მხარდამჭერი კოცერტი აღარ ჩატარდება,"-აცხადებენ მმართველ პარტიაში.
ცნობისთვის, ახალგაზრდა გოგონა თბილისში, სამედიცინო დაწესებულებაში გარდაიცვალა.
