თერჯოლის მერის ინიციატივით, მიმდინარე წელს, ერთიანი ეროვნული  გამოცდების შედეგების მიხედვით, მუნიციპალიტეტში მცხოვრები გრანტოსანი  სტუდენტების წახალისების მიზნით, ფულადი ჯილდო გაიცემა.

ფულადი ჯილდოს მიღების მიზნით თერჯოლის მუნიციპალიტეტის მერიაში სტუდენტმა უნდა წარადგინოს: 

ა) სახელმწიფო სასწავლო გრანტის მფლობელი სტუდენტის წერილობითი განცხადება;

ბ) პირადობის დამადასტურებელი დოკუმენტი;

გ) ანგარიშის ნომრის ამონაწერი საბანკო დაწესებულებიდან;

დ) საქართველოს კანონმდებლობის შესაბამისად, სახელმწიფო სასწავლო გრანტის მიღების დამადასტურებელი დოკუმენტი.

 "დეტალებისთვის დაუკავშირდით მერიის განათლების, კულტურის, სპორტის და ახალგაზრდულ საქმეთა სამსახურის თანამშრომელს,  ნინო ბერძულიშვილს -T 595711244. 

თერჯოლის მუნიციპალიტეტის მერის ინიციატივით და ადგილობრივი თვითმმართველობის მხარდაჭერით, გრანტოსანი სტუდენტებისთვის ფულადი ჯილდო, გასულ წელსაც გაიცა,"-აცხადებენ თერჯოლის მერიაში.