ონის სოფელ ღარში მეწყრული პროცესები განვითარდა
ონის მუნიციპალიტეტის სოფელ ღარში, ღარი-კვაჟა-გომის დამაკვაშირებელ გზაზე განვითარებული მეწყრული პროცესების მონიტორინგისა და არსებული სიტუაციის გაცნობის მიზნით, ადგილზე იმყოფებოდნენ, ონის მუნიციპალიტეტის საკრებულოს თავმჯდომარის პირველი მოადგილე პაატა მაისურაძე და ადგილობრივი ხელისუფლების წარმომადგენლები.
ამ დროისთვის სტიქიის ადგილზე მობილიზებულია ტექნიკა და მიმდინერეობს გზის სავალ ნაწილზე გაწმენდითი სამუშაოები, თუმცა ფერდობიდან ქვის ცვენის პროცესი კვლავ აქტიურია და უსაფრთხოების უზრუნველყოფის მიზნით, აღნიშნულ მონაკვეთზე გადაადგილება შეზღუდულია.
