ქუთაისის ტექნოლოგიურ ჰაბში მდებარე ინტერაქციული სამეცნიერო და ტექნოლოგიური მუზეუმის სამუშაო საათები ვიზიტორთა მაღალი მოთხოვნიდან გამომდინარე გახანგრძლივდა.

ამიერიდან მუზეუმი ვიზიტორებს ყოველდღე, ორშაბათის გარდა, 11:00-დან 19:00 საათამდე უმასპინძლებს.

ექსპოზიცია მსოფლიოს წამყვანი სამეცნიერო ცენტრების გამოცდილებას ეფუძნება და 50 თანამედროვე ექსპონატს მოიცავს. მათი ნაწილი პოლონეთის კოპერნიკის სამეცნიერო ცენტრთან თანამშრომლობით შეიქმნა.

ექსპოზიცია მოიცავს ისეთ მიმართულებებს, როგორებიცაა:

🔹 ფიზიკა

🔹 მათემატიკა

🔹 ინჟინერია და მექანიკა

🔹 ოპტიკა და ელექტრომაგნიტიზმი

🔹 ასტრონომია

🔹 საბუნებისმეტყველო მეცნიერებები

🔹 ხელოვნური ინტელექტი და თანამედროვე ტექნოლოგიები.

“გელოდებით საქართველოში პირველ ინტერაქციულ სამეცნიერო და ტექნოლოგიურ მუზეუმში, სადაც მეცნიერებისა და ტექნოლოგიების სამყაროს სრულიად ახალი და საინტერესო ფორმით გაეცნობით,”-აცხადებენ ტექნოლოგიურ ჰაბში.