გაიზარდა თუ არა ბუნებრივი აირის საფასური?-აღნიშნულ კითხვას მოქალაქეები აქტიურად მას შემდეგ სვამენ, რაც აბონენტებს “სოკარ ჯორჯია”-დან გაზის გაზრდილი გადასახადი მიუვიდათ.

მოქალაქეთა კითხვებს ენერგოომბუდსმენის სამსახური პასუხობს, რომელიც განმარტავს, რომ ბუნებრივი გაზის ტარიფი არ გაზრდილა. 

“გაზრდილი გადასახადი შესაძლოა უკავშირდებოდეს:

🔹 მრიცხველის არასწორად წაკითხვას

🔹 მრიცხველის ტექნიკურ დაზიანებას

🔹 ყინვისა და დიდთოვლობის გამო გაზის გაჟონვას (განსაკუთრებით კერძო სახლებში)

🔹 სხვა ინდივიდუალურ ფაქტორებს.

მოქალაქეებს შეუძლიათ მიმართონ ენერგოომბუდსმენის სამსახურს:

✔️დაიწყება დარიცხვის სამართლებრივი შესწავლა

✔️ შეფასდება გადასახადის კანონიერება

✔️ დავის დასრულებამდე გაზის მიწოდება არ შეწყდება

მიმართეთ ოფიციალური საკომუნიკაციო არხებით: 

ცხელი ხაზი: (+995 32) 2 42 01 90,”-ნათქვამია გავრცელებულ განცხადებაში.