პირველად სამტრედიაში-ახალშობილების ოჯახებს ერთჯერადად 2 000 ლარი გადაეცემათ
სამტრედიის მუნიციპალიტეტში დაბადებული ახალშობილების ოჯახებს ერთჯერადად 2 000 ლარი გადაეცემათ.
პირველად, სამტრედიის მუნიციპალიტეტში, ყველა ახალშობილზე 2 000 ლარის ოდენობის ერთჯერადი ფულადი დახმარება დაწესდა.
როგორც სამტრედიის მუნიციპალიტეტის მერმა დავით ბახტაძე აღნიშნა, დემოგრაფიული მდგომარეობის გაუმჯობესების ხელშეწყობის მუნიციპალური პროგრამის ფარგლებში განხორციელებული ეს ინიციატივა წარმოადგენს მნიშვნელოვან ნაბიჯს ახალგაზრდა ოჯახების მხარდაჭერისა და დემოგრაფიული პოლიტიკის გაძლიერების მიმართულებით.
მერმა ახალშობილის ოჯახს სამტრედიის მუნიციპალიტეტის ადმინისტრაციულ შენობაში უმასპინძლა და ერთჯერადი ფულადი დახმარება პირადად გადასცა.
