ჭიათურაში, მღვიმევის მონასტრის წინ სკვერის მოწყობა მიმდინარეობს
ჭიათურაში, მღვიმევის დედათა მონასტრის წინ მდებარე სკვერისა და მიმდებარე ტერიტორიის კეთილმოწყობის სამუშაოები მიმდინარეობს.
დაგეგმილია სკვერის გამწვანება, კვების ობიექტის, მოსაცდელების, სველი წერტილებისა და საპარკინგე სივრცის მოწყობა.
პროექტის მიზანია მონასტრის მიმდებარე სივრცის განვითარება და კეთილმოწყობა, რაც მნიშვნელოვნად შეუწყობს ხელს ქალაქის ტურისტული პოტენციალის ზრდას და ვიზიტორებისთვის კომფორტული გარემოს შექმნას.
