“ჩუმათელეთი-ხევის საავტომობილო გზაზე, 11-13 მარტს ტრანსპორტი შეფერხებით იმოძრავებს”
თბილისი-სენაკი-ლესელიძის საავტომობილო გზის ჩუმათელეთი-ხევის მონაკვეთზე მისაბმელიანი და ნახევრადმისაბმელიანი ავტოტრანსპორტის გადაადგილება დროებით შეიზღუდება.
როგორც საავტომობილო გზების დეპარტამენტში განმარტავენ, ზამთრის რთულმა კლიმატურმა პირობებმა გზის საფარი დააზიანა, რის გამოც შეკეთებას საჭიროებს.
“ჩუმათელეთი-ხევის საავტომობილო გზის დაზიანებული მონაკვეთების შეკეთების სამუშაოები ჩატარდება 11-13 მარტს.
სამუშაოების მიმდინარეობის პერიოდში 09:00 სთ-დან 18:00 სთ-მდე აღნიშნულ მონაკვეთებზე მისაბმელიანი და ნახევრადმისაბმელიანი ავტოტრანსპორტის გადაადგილება დროებით შეიზღუდება.
გთხოვთ, გაითვალისწინოთ, რომ სამუშაოების წარმოების გამო, ავტოტრანსპორტი იმოძრავებს შეფერხებით,”-აცხადებენ დეპარტამენტში.
