ხარაგაულის მუნიციპალიტეტის  მერია ხარაგაულელ  სტუდენტებს (პირველკურსელებს) ფულად ჯილდოს გადასცემს.

"კერძოდ, სტუდენტებს, რომლებმაც  2023 წლის ერთიანი ეროვნული გამოცდების შედეგების მიხედვით მოიპოვეს სახელმწიფო გრანტი, მერიიდან მიიღებენ ერთჯერად ფულად ჯილდოს. 100%-იანი გრანტის მფლობელები- 500 ლარს, 70 %-იანი გრანტის-400 ლარს, ხოლო მათ, ვინც 50%-იანი გრანტი მოიპოვა, ერთჯერადად 300 ლარი ჩაერიცხებათ,"-აცხადებენ ხარაგაულის მერიაში.