ადგილობრივი და ცენტრალური ხელისუფლების წარმომადგენლებმა კურორტ შოვში სტიქიის შედეგად გარდაცვლილი თემურ ჩარკვიანისა და ნიკოლოზ ჩალაძის ოჯახის წევრები მოინახულეს.
"მწუხარება გამოხატეს შოვის ტრაგედიის დროს გარდაცვლილი მოქალაქეების გამო, თანადგომა გამოუცხადეს ოჯახის წევრებს.
ადგილობრივი ხელისუფლების წარმომადგენლები სტიქიის პირველივე დღიდან მუდმივ კომუნიკაციაში რჩებიან დაზარალებული ოჯახის წევრებთან და გადარჩენილ მოქალაქეებთან,"-ნათქვამია სამხარეო ადმინისტრაციის მიერ გავრცელებულ ინფორმაციაში.
